شو هيدا يا ريتاااااااا...؟! من أين أتيت بكل هذا السحر؟!
ليتني نسمة لأعبر الشباك الذي فتحتيه.. وليتني مخدة لتستريح ضفائرك عليها..

عن السحر يا سافو، اظن بأنك تعرف من اين آتي به.
وعن "يا ليت" و"يا ريت" و" لو" و"اذا"....
هول كمان ما بدي ياهن.
بدي يلي بإيدي. وكل الممكن. والستحيل.

ريتا

يا صديقتي شو هيدا؟!
جد عيب اذا ما حدا بيغنيها، هي التحفة.
بوافق سافو ( ما بعرفك، بس تحياتي، لأنك هون، وبتعرف تقشع) انو في سحر كبير بكل البساطة، والانسيابية.
انت اكتر من قريبة. وللحظة، حسيتك عم تحكيني من جوا جوا، بمحل حميم وبعرفو منيح.

"ما بدي ارجع اوقف ع الطريق

بدي الطريق توقف حدي"

عظيمة. وكبيرة.

مش عارفي اكتب بعد.
رجّفتي اشيا كتيرة فيي.

وقال بسأل ليش بحبك؟ وليش انت من يلي اذا مرقو عند حدا، مستحيل يفلو؟
بحبك كتير يا ريتا.
وبحب شو بتعملي فيي.

غادة

وانا يا غادة، مش رح اعرف رد على كل هيدا الحكي.
يا صديقتي انا بحبك كتير كتير كمان. وبيكبر قلبي وقت بعرف اني بعمل فيكي اشيا.
لمين بدنا نعطيها يغنيها؟
بتعرفي حدا؟
موريس بركي؟
ههههههههههههه
بعرفو انا، ملحن بارع.

بشكر وجودك، ودعمك، وكلامك.
اما المدح، والعظمة...هول بنحني قدامن. وما فيني اعمل غير شي.

يمكن بس بقلك انو وقت الروح بتنكب ع ورق، بتصير قريبة من كل قلب، ومن كل نفس.
روحي بكبها.
وما بعرف مين بشكر، انو اتخبت فيكي، وحكيت معك.

ريتا

اعذريني....سيّدتي
اعذري مروري
وكل خدش اتركه
اعذري الكلمة، لأنها لن توازي اي شي، كتب او "سقط" هنا.

انت "رائعة" بكل ما للكلمة من ابعاد.
وبكل ما لا تحمله.

وهنالك...ضوء...
وهنالك.........توق
وهنالك حياة.

افتحي يدك، وامنحيها لكل من يزور ضرحك.

ح.ن. بيروت

الى ح.ن.
"رائعة"؟ ايه، يمكن.
ولكن، سأتعلق بـ "ما لا تحمله" لأنني ضمناً...لا احمل شيئاً.
اشكر مرورك. والتخديش.
ما يسعدني هو الضوء الذي رأيته.
مساحاتي بيضاء...بكثير من التعب.
مساحاتي مضاءة، بكثير اللاءات.

يدي فتحتها منذ دهر.
ولكنها...هي ايضاً...لا تحمل شيئاً.

ريتا

لا تقــولـي بـدي ومـا بــدي
و ع كل الـدنـيي مــا تـردي
لما بيفتح شباك الحلوة
بتطل ع دنيي
هيي فيها الوردة