بدّي جرّب أولد بكره
مش عاجبني هيدااليوم!!

متل الناقص عندي فكرة
وصدري مليان همـوم

عطشاني والدنيا صحـرا
ومجافى عيوني النوم

لا عيد اليوم ولا سهرة
بركي م نسهر تاني يوم


سواء ولدت اليوم أو غداً أو بالأمس أتمنى لك عمراً جميلاً.

Abdel - syria

ما بعتقد في ام ما بتحب . بس يمكن نحنا احيانا ما بننطاق.
على كل حال لو خلقتي من جديد شو كنتي عملتي؟
بعتقد كنتي رح تعملي نفس الشي .
يعنى في رضى ذاتي وهيدا الاهم

ب22 نيسان ما انزت ورقة ...
بل انزرع وردة بهالارض
بعدها زر
عم يفتّح
وعطرها متلي الدني
وعايشة بين الشوك
منها غلطة ابدا
بس يمكن اجت بغير وقتها
ريتا
بعدك طفلة
وبتمنى الايام ما تكبرك
وتضلي متل ما انتي
هيك
كتير احلى
وبتمنى يكون متل اليوم
متلك كتير
مبركي بتصلح هالدني

عبد

عبد وعبدالله،
اشكركما. جدا.
اعذرا جفافي اليوم.
كلامي يهرب دائماً، واحياناً يلفني التعب، فلا اركض لألقاه.

ايه يا عبدالله، بركي منسهر تاني يوم. اليوم كتير مش هون.وكأنو سقط واختفى واستحى وعم يطالب باسم تاني.

ويا عبد
كلامك بخجلني كتير
وبطبطب ع كتفي.

شكراً.

ريتا

أي الأيام تكونين
يكون يومك..

ياسافو
اي يوم هذا الذين سأكونه؟
سمه لي.فأنا لم التقِ به يوماً.
ولا اخفي عليك بأنني انتظره.

وين هل غيبة؟

ريتا

إنه اليوم الذي تفتحين فيه جفنيك على شمس فترين كم هي جميلة..
وتلمسين وجهك فتعرفين كم هو نضر..
وتبتسمين.. فتعرفين كم تحلو الحياة بابتسامتك..
إنه كل يوم يا ريتا.. فعيشيه..

[المعذرة للغياب الاضطراري]

ان اشرقت لي فقط
سأبتسم
وان كان وجهي هو وحده الذي يعطي البنفسج لونه
سأبتسم
وان كانت الحياة تنتظر ابتسامتي
دون سواها
سيكون يومي
كل يوم

قل لي، مجيباً على انانيّتي:
اتشرق الشمس لي فقط يا سافو؟

واعذرني، فعذرك غير مقبول.

ريتا

لا يا ريتا.. إنها لا تشرق لك فقط..
ولكنها تفتش زوايا الصخر عندما تشرق.. باحثة عن رائحة بنفسجك..
بنفسجك الذي له رائحة بشرتك فقط، وطيف ابتسامتك فقط، ولون الفرح الهارب فيك.. وإليك..